

D2769

།དབང་མེད་སྐྱེ་བོ་འདུ་བར་འགྱུར། །སྨོན་ལམ་དུ་བྱ་བ་རྫོགས་སོ།།[་]@#། །དཔལ་བདུད་རྩིའི་སྦྱོར་བ་བརྙེས་པ་ལ་ཕྱག་འཚལ་ལོ། །སྤྱན་རས་གཟིགས་དཔལ་བདུད་རྩི་བརྙེས། །བཟའ་དང་བཅའ་དང་མྱང་བ་སྨན། །བཏུང་བ་སྣ་ཚོགས་ ཉིད་མཆོད་བཞེས།།སྐལ་ལྡན་བྱིན་གྱིས་རློབ་པར་བཤད། །དུས་དང་དུས་མཚམས་དགའ་སྟོན་དུས། །བཟའ་དང་བཟའ་མིན་བཟའ་ཡིན་ཏེ། །རྣལ་འབྱོར་རྒྱལ་པོ་དམ་ཚིག་སྤྱོད། །རབ་གུས་མཆོད་བྱེད་སྦྱིན་ལ་བརྩོན། །སྐད་ཅིག་དྲན་པས་ལྷར་བསྐྱེད་ནས། །བཞི་པའི་ ཡི་གེ་སྦྱོར་བ་ཡིས།།མགྲིན་པ་ལྕེ་སྟེང་བྱིན་བརླབས་ལ། ། དང་ཀ་ཕྲེང་གཉིས་མེད་ཞུ། །སྒྲོན་མ་གཉིས་སྟེང་རྡོ་རྗེ་འཆང་། །དེ་བཞིན་སེང་གེ་རྣམ་བསྒྱིངས་གཉིས། །རྒྱུར་བྱས་ཐབས་དང་ཤེས་རབ་བསྐྱེད། །ཕྲེང་བ་གཉིས་ཀྱང་དགོད་པར་བྱ། །ཀ་པཱ་ལ་སོགས་པདྨ་ཅན། ། སྣ་ཚོགས་བཟའ་བས་བཀང་བྱས་ལ། །སྣོད་བཅུད་སྦྱང་དང་གཟི་བསྐྱེད་པས། །གྱ་ནོམ་གྱུར་པ་རྣལ་འབྱོར་ཚོགས། །ོཾ་ཨཱཿཧྲཱིཿབཾ་ཧོཿ། དྲི་བསལ་སྤྱོད་བྱེད་བདུད་རྩིར་བྱེད། །ཕུན་སུམ་ཚོགས་དང་དགེས་བྱེད་པ། །དམ་ཚིག་ཕྱག་རྒྱ་རྣམ་པ་ལྔ། །འོད་ཀྱི་སྦྱོར་བས་རྣམ་པར རྩེན།།དཔག་མེད་བདག་ལུས་སངས་རྒྱས་ལ། །བསམ་མི་ཁྱབ་སྤྲུལ་རྩི་ཡི་མཚོས། །ལུས་ལྔ་དག་ནི་བསྒྲུབ་པའི་ཕྱིར། །སྒྲུབ་པ་པོས་ནི་མཆོད་པར་བྱ། །ོཾ་ཨཱཿཧྲཱིཿཤྲཱི་ལོ་ཀ་ནཱ་ཐ་སརྦ་བུདྡྷ་བོ་དྷ་སི་བྷཱུ་པདྨ་བི་ཤུདྡྷ་ཨ་མྲྀཏ་ཏེ་ཛ་ར་བྷ་ཀྵ་ཏ་ཁ་ཁ་ཁཱ་ཧི་ཁཱ་ཧི། ཨ་ནེ+ེ་ཀ་སཏྭ་ཙ་ས་མ། ཡ་སིདྡྷི་སྨ་ར་སྨ་ར་ཧཱུཾ་ཧཱུཾ་ཧཱུཾ་སྭཱ་ཧཱ། ཞེས་བྱ་བ་ལན་གསུམ་བརྗོད་པས་སོ། །དེ་ནས་ལྷག་མ་བསྡུས་ལ་གཏོར་མ་བྱའོ། །བདག་ལུས་རྡོ་རྗེ་སྤྱན་རས་གཟིགས། །ཕུང་པོ་སངས་རྒྱས་རྣམ་པ་ལྔ། །བདེ་ཆེན་གཉིས་མེད་ཕྱག་རྒྱ་ཆེ། །དཔའ་བོ་རྣམ་པར་རོལ་པ་ཡིན། །ོཾ་ཨཱཿཧྲཱིཿ་ཨི་ཨུ་ཨེ་ཨོ་ཨཾ།